NEURE POWER POINT-a!

2008/01/11

"IPUINAK UMEAK LOKARTU ETA HELDUAK ESNATZEKO DIRA"

Beñat Doxandabaratz-ek ipuinak idatzi, kontatu... egiten du. Ipuinekin, zerikusirik duen guztiarekin loturik dago aspaldidanik.

Argia astekarian, Beñat Dotxandabatzik eginiko elkarrizketa erakargarria irakur dezakegu. Honetan, Beñatek ipunen arloko pila bat galdera erantzuten ditu. Berak elkarrizketan esaniko konturen bat; bere ustez ipuinak kontatzean, arau hirukia ezarri behar da: publikoa, ipuina eta kontalaria. Osagai horiek oso garrantzitsuak dira kontalaritzan.

Gaur egun antzerki eta bertsolaritzak, kontalaritzak baino garrantzi gehiago hartu du.
Berak, ipuinak hautatzeko lehen eta oraingo nahasketa egiten du eta gaiak berdintsuak direla dio, honela arrazoitzen du "antzinako gizonak eta gaur egungoak ezaugarri berak ditu muinean, berdinki maitatu, haserretu, negar egin eta hil egiten gara-eta".
Elkarrizketa honi buruz gehiago jakin nahian;
Egilea: en
Etiketak: , , ,

1 comentario:

Urkiri Salaberria dijo...

Beñat Doxandabaratzen emaztea nauzu, eta egia da gure umeen ipuinkontalaririk kuttunena dugula, baina aipatzen duzun elkarrizketaren protagonista Koldo Amestoy da. Beñatek idatzi zuen artikulua.
Eutsi goiari, oso polita zure blogga

1 de febrero de 2008, 14:33

Publicar un comentario

Suscribirse a: Enviar comentarios (Atom)

HAUR ETA GAZTE LIBURUAREN SALOIA MADRILEN



Haur eta Gazte Liburuaren Saloia Madrilen
 
Urte luzeko ibilbidea du Madrilen egiten den Haur eta Gazte Liburuaren Saloiak. Haur eta Gazte Literaturako Kontseilu Orokorrak antolatzen du. Azken hau OEPLI Haur Liburuaren Espainiako Erakundean federatua dago. Madrileko Udalaren eta Erkidegoaren eta Kultura Ministerioaren laguntzarekin burutzen da.

Abenduaren 20an ireki ziren bertako ateak. Irekierarekin batera, OEPLIk urtero antolatzen duen Lazarillo Literatur Lehiaketaren sari banaketa egin zen. 2007an, Album Ilustratuaren alorrean, Jesus Cisneros Laguna gailendu zen "Ramon" izeneko lanarengatik. Sormen literarioaren alorrean berriz, bi egileen artean banatzea erabaki zuen epaimahaiak: Luz Alvarez Garciak "Alba de Montnegre" izeneko lanagatik eskuratu du, eta Miguel Angel Mendok "Aeternum"engatik.

Sari banaketaz gain, hainbat ekimen egin dira egun guzti hauetan, hala nola, ONCEk haur itsuentzat argitaratu dituen liburuen erakusketa egin du; Atapuerca Fundazioak  Atapuercako haurrak nola bizi ziren erakusteko tailer bat burutu du; ipuin kontaketa saioak eskaini dira... urtarrilaren 10ean berriz, "entzuten diren liburuak" izeneko egitasmoa burutuko da, non CD batez lagundurik argitaratu diren hainbat liburuen erakusketa egingo den. CD horietan, musika edota liburuan datozen testuen ozenkiko irakurketa entzun daiteke. CD eta liburuaren arteko bikote harremana aztertuko da beraz.

Altxorraren aztarnaren atzetik, liburudendaz liburudenda

Madrileko lau liburudendak ipuin baten moduan kontatuko dute beraien istorioa. La mar de letras, Kiriku y la bruja, Biblioketa eta el Dragón Lector dira hurrenez hurren, parte hartuko duten lau liburudendak. Ondoren, lehiaketa berritzaile bat jarriko da martxan. Saloian eskura daiteke lehiaketa honetan parte hartzeko txartela.

Txartela eskuan, nahi duenak lau liburudendetatik osteratxoa egin beharko du. Edozein egunetan has daiteke ibilaldi hori eta nahi duen moduan eta denboran egin. Baina, bukatu, 2008ko apirilaren 2an bukatu beharko du. Hau da, Haur Liburuaren Nazioarteko Egunean. Eta txartel horretan idatzita dagoen liburudendan bukatu beharko du bidaia. Irabazi ahal izateko, liburudenda bakoitzak txartelean zigilua jartzea lortu behar da. Zer egin behar den zigilua lortzeko? Liburudendako dendariak egiten duen galderari erantzun. Oso errazak omen dira liburudenda bakoitzak prestatu dituen galderak. Lau zigiluak lortutakoan, oparia eskuratuko da. Opari segurua gainera. Eta bide batez, lau liburudenda berezi hauek ezagutzeko parada du parte hartzen duenak.

Erakusketak eta omenaldiak

Hiru erakusketa nagusi ditu Saloiak egun guzti hauetan: Haur eta Gazte literaturako liburu berrienenak eta bestelakoak erakusgai jartzen dituena; Espainiako ilustratzaileek haurtzaroaz duten ikuspegia landuz egin dituzten ilustrazioen erakusketa; eta azkenik, Ulises Wensell ilustratzailearen erakusketa.

Saloiak irauten duen egunetan bi pertsona omenduko dira gainera: abenduaren 21ean omendu zen Montserrat del Amo idazle oparoa; urtarrilaren 17an berriz,  zendu berri den Ignacio Medrano haur eta gazte liburuen argitaratzaileari ohore egingo zaio.